北京大学第三医院产科护士

       北京医院网上挂号推荐阅读:琴日打算去做我噶第三次产检。点知都系做唔成，等到11点，嬲嬲地走添了原因系咁噶：
         第一次去，因为唔知道原来真系咁多人，我同老公早上6点钟去到医院挂号，挂陈瑞玲医生，号数系“37”。然后我再翻屋企车我，再去到医院已经7点半了。建完簿，搞掂晒D野。个护士同我讲，“你个号数系37喔。可能要等到12点几，你等唔等啊？唔等就去换医生啦。”我同老公商量完之后，觉得第一次产检应该无咩特别事情，就换医生了。结果。真系好快。半个钟搞掂。开左验尿同NT。
重点系：当时个护士同我讲，“陈医生好多人睇距噶，下次你想快D噶话，就早D黎挂号啦。凌晨3点钟就可以系急诊挂产科号了，按号数排队噶。”当时我老公听到。觉得亚历山大。哈哈。

          因为第一次有BB，我老公特别紧张，距听几个人讲话陈医生好有耐性答问题。所以距一番思量后，决定下次产检就凌晨3点去挂号。

        第二次产检，我老公凌晨2点半起身去挂号。然后我起身噶时候，问距挂左第几个。距就话：个陈医生今日唔开诊啊。挂左果个张建丽。依个医生系老公同学噶一个阿姨，我地当时林住哒个名出黎，应该会好D挂。呵呵
       因为挂号排第一的。所以，我地好淡定咁7.45到达医院。点知，都系等到9点几先轮到我。。。。。等噶时候，我同另外两位准妈咪倾计（排队系我前面的）。一个好正常，仲行行企企，有讲有笑。另外一个就有唔舒服，优先的。我理解，距爬头我可以接收。但是另外一个，7点黎挂号，号数系30几的。我就理解唔到了。。（距老公话，距地7点先挂号，挂号完就上黎排队了，所以先排第一）不是说按挂号排队的么，点解距睇第一？！
            仲有就系。个张医生7.50开诊。已经有好多人唔排队就直接摞住个簿冲入去了。D护士又唔理。真系把几火噶。
            然后轮到我睇噶时候，个医生第一句就笑我地“3点来挂号啊，这位爸爸真好啊。”咁然后我地就话边个边个叫我地黎噶，话你好多人睇，所以我就好早黎挂号。然后个医生又话“不用的，你早上7点钟前来挂号，然后挂好玩就直接上来，我7.50就在这里了。”听完之后，一条条黑线在头上啊。搞掂晒之后，我就唔死心，再出去问个护士。“姑娘啊，我想问下呢，系唔系按挂号噶号数排队噶？”然后个姑娘话“唔一定噶，如果你挂号排第一，8点钟黎到噶话，都唔系即刻可以睇噶。要重新系依度排队噶。”听完之后，又是一条条黑线。。。我都费事同距辩驳了

         然后，琴日的第三次去产检。真TMD想刮巴果个死人老女人了。经过上两次噶教训。琴日我同老公7点4个字挂到个号。又系37.然后就即刻上去排队了。当时系排系第六个簿。我心林“好快啦挂”。然后，等到觉得唔对路。就问个护士仲有几多个先到我。个护士话“你排第37喔。无咁快啦。一个钟头大概睇8-9个。”
         当时听到，真系觉得激到血压上升。就同距讲左第一次第二次噶经过、。然后距就话，“一个月之前噶野，我唔记得了，但是我而家可以肯定同你讲，我地一直都系按挂号排队的。唔系先到先得。”

        听完之后，我就觉得，再同距理论都系白费的。我老公就话，“如果下次我挂号排第一。除左优诊对象之外，我唔系第一个睇，我就刮死你。”
然后摞翻本簿就走了。

         听日我老公准备再次凌晨3点钟去挂号。如果挂到第一。到时唔系睇第一噶话（优诊除外，如果系优诊对象，我林应该唔会系走廊同我有讲有笑挂），我睇下距地又会唔会话“唔好意思啊，先到先得噶”

相关文章

1北京大学第三医院介绍

2,北京积水潭医院回龙观院区妇产科门诊平安接生一女婴

3,护士流失的原因

上一篇：北京协和医院挂号指南！

下一篇：北京阜外医院周日门诊可以挂号吗？